حقيقة تحرش سائق التاكسي بـ الفنانة هلا السعيد انتشر اسم الفنانة هلا السعيد مؤخرا على منصات السوشيال ميديا بعدما أيدت محكمة مستأنف جنح الشيخ زايد حكم صدر لصالحها ضد سائق يدعى “مصطفى” يعمل لشركة أوبر، وقد بدأت الوقعة في 22 مايو الماضى حيث خرجت هلا السعيد في فيديو لايف على حسابها على انستجرام وقالت:
” أنا حاليًا على محور الضبعة، وكنت راكبة أوبر، لقيت السواق يوقف العربية ونزل منها وقال لي إنها سخنت، وببص ورايا لقيته يفك حزام البنطلون ونزلت من العربية بسرعة، وهو قال لي ماتخافيش ماتخافيش أنا عندي السكر ولازم كل شوية ادخل الحمام”.
كما أضافت:
“نزلت من العربية وسيبت شنطتي والحمد لله إني كنت بتكلم في التليفون قبل ما العربية تقف واتصلت بأحد من أصدقائي قلت له إني أرسلت له لايف لوكيشن وتقريبًا هذا ما جعل السائق يخاف، والحمد لله إننا الصبح ولسه قريبة من بيتي”.
كما أعربت عن غضبها من الشركة المسؤولة وطالبت بمحاسبتها.
وعلى الجانب الآخر نفى السائق كلام السعيد وجاء في كلامه للنيابة العامة:
“اللى حصل أنا شغال أوبر على العربية بتاعتى، وقبلت الرحلة وأنا على طريق الضبعة، طرمبة البنزين سخنت قولتلها هنقف دقيقتين الطرمبة تبرد ونتحرك، نزلت فتحت شنطة العربية الخلفية علشان اقضى حاجتى بعد كده لقيتها فتحت باب العربية ونزلت جرى أنا استغربت لموقفها، عقب ذلك توجهت إليها، وقولتلها مفيش داعى لكل ده أنا تعبان واتحرجت أقولك أنا نازل أقضى حاجتى بعدها قولتلها من غير خوف أنا هنزلك الشنط بتاعتك وامشى وعملت كده، ومشيت فعلًا، ده كل اللى حصل”.
قرار المحكمة
تم إلقاء القبض على السائق وبعد التحقيق معه قامت النيابة العامة بإحالته للمحكمة متهمة إياه بارتكاب فعل فاضح في الطريق العام “التبول في الأماكن العامة” ثم قامت محكمة مستأنف جنح الشيخ زايد بإصدار حكم صالح هلا السعيد بالحبس لمدة سنة وكفالة 1000 جنيه، إلا أن السائق عارض الحكم بعد استبعاد النيابة العامة تهمة السائق بالتحرش.
